You are here

'Galicia, un relato no mundo' bate récords no primeiro mes.

Tivo nese período doce mil visitas, superando a excepcional acollida doutras exposicións// Recibe de media 442 persoas ao día no Museo Centro Gaiás.

'Galicia, un relato no mundo' bate récords no primeiro mes.

Tivo nese período doce mil visitas, superando a excepcional acollida doutras exposicións// Recibe de media 442 persoas ao día no Museo Centro Gaiás.

 

FOTO: G.- EL CORREO - 18.12.19 -  LUIS MONTERO SANTIAGO

A exposición Galicia, un relato no mundo recibiu no seu primeiro mes un total de 12.000 visitantes, unha cifra récord que supera incluso a de mostras cunha excepcional acollida entre o público, como foi o caso de Castelao maxistral. A boa obra ao mestre honra, na que se exhibiu por vez primeira en Galicia o icónico cadro A derradeira leición do mestre de Castelao.

Cunha media de 442 visitantes por día, a primeira exposición do Goberno galego polo Xacobeo 2021, que se pode ver nestes momentos no Museo Centro Gaiás, espertou un grande interese entre o público, rexistrándose xornadas nas que se supera incluso o milleiro de persoas nas xornadas de maior afluencia.

O alto interese da exposición constátase tamén entre a comunidade educativa, e xa neste mes 1.400 escolares participaron nas visitas didácticas.

Outros preto de 6.000 estudantes de centros de ensino primario e secundario de toda Galicia teñen xa reservada a súa quenda para ir á Cidade da Cultura a coñecer a exposición comisariada por Manuel Gago.

Tamén o programa de visitas comentadas para público xeral está a ter unha extraordinaria resposta de público, tanto a través das súas quendas regulares -programadas todos os días de martes a domingo ás 17.30 horas e con entrada libre- como do ciclo Historias na encrucillada -tamén de balde, con reserva previa-. A través deste programa especial, todos os sábados pola mañá o público pode mergullarse dun xeito diferente na exposición, afondando nunha etapa histórica ou temática concreta da man de grandes expertos nesa materia.

O Gaiás abrirá proximamente as vindeiras quendas de reserva para participar nel, que nas súas dúas primeiras citas -guiadas polo comisario Manuel Gago e a historiadora Pilar Cagiao- esgotaron as súas prazas horas despois de terse anunciado.

A exposición, que reúne numerosas obras senlleiras sobre os mitos, a historia e a memoria da identidade galega ao longo do tempo e do mundo, está a ter unha grande aceptación entre a crítica e a prensa xeral e especializada, con cabeceiras internacionais do prestixio de The Guardian que se fixeron eco da mesma.


Pezas de todo o mundo. Galicia, un relato no mundo ofrece ao público galego a oportunidade única de ver reunidas en Santiago pezas de todo o mundo e cedidas por institucións do prestixio do Prado, o Trinity College de Dublín, a Universidade de Oxford ou o Museo Nacional de Arqueologia de Lisboa.

Trátase de obras mestras do patrimonio universal como o Códice Calixtino do Vaticano, o Libro das invasións, -onde se atopa a primeira mención coñecida a Breogán-, o Mapa de Sawley -considerado un dos primeiros mapa mundi enciclopédicos europeos, no que se representa a Catedral de Santiago como o edificio máis importante de Europa-,a Biblia Kennicott -manuscrito considerado unha xoia da iluminación medieval e a testemuña máis importante da presenza xudía en Galicia-, ou a icónica escultura Santa, de Francisco Asorey.

A exposición está organizada pola Consellería de Cultura e Turismo a través da Fundación Cidade da Cultura de Galicia e conta coa colaboración do Consello da Cultura Galega, a Secretaría Xeral da Emigración e a Fundación HispanoJudía.

Está enmarcada na programación do Xacobeo 2021, que conta con Estrella Galicia e Gadisa como entidades patrocinadoras especiais. Poderase visitar a mostra de balde no Museo Centro Gaiás ata o próximo 12 de abril, en horario de 10.00 a 20.00 horas.

Na páxina web cidadedacultura.gal pode consultarse toda a información sobre a exposición, así como o programa de actividades que se desenvolverá ao redor da mesma ata o día do seu peche en abril.

Couso Galán
Adolfo Dominguez
Blusens
Astilleros Barreras

Lo último en los blogs

Seguro que al cerrar un libro alguna vez has pensado en lo maravilloso que sería poder viajar al mundo en el que transcurre la historia. En...
Galicia es un lugar que puede llevar a cualquier viajero al paraíso de un momento a otro. Desde la monumental Santiago de Compostela hasta...

Lo último en los foros

No es un secreto que Galicia cuenta con vinos: blancos y tintos de los cuales algunos de ellos pueden ser considerados de los mejores del...
Se inicia este "Foro" en relación al proyecto "Galicia Universal", para que todo aquel que se identifique con el mismo, pueda emitir su...