Santiago pecha 2025 con 8.751 sociedades activas, o que supón un descenso de 660 empresas respecto a 2018 segundo a actualización do Directorio Central de Empresas do Instituto Nacional de Estatística. A caída non é uniforme: o sector de Comercio, transporte e hostalaría soporta o golpe máis duro, cunha perda neta de 486 establecementos, un goteo de peches que se fixo visible no Ensanche e nas rúas comerciais do casco histórico.

Os números e os peches que doen na cidade

O desglose sectorial revela cambios que non son inocuos para a vida urbana. Comercio, transporte e hostalaría pasan de 3.154 empresas en 2018 a 2.668 en 2025. Actividades profesionais e técnicas caen de 2.038 a 1.865 —unha merma de 173 sociedades—, mentres que Industria redúcese en 98 empresas (405 fronte a 307) e Construcción en 230 (901 fronte a 671). Só a categoría de Educación, sanidade e servizos sociais amosa un avance, aínda que leve: de 1.021 a 1.040 compañías.

A perda de micro e pequenas empresas ten consecuencias visibles: escaparates que baixan a persiana en rúas céntricas, locais baleiros que tardan en recolocarse e un tecido comercial máis vulnerable a cambios estacionais. Na última semana de decembro pecharon de forma definitiva comercios ben coñecidos do Ensanche —entre eles Mimolett, na rúa Xeneral Pardiñas, e Olivares Shoes & Bags, na República do Salvador—, fitos que os veciños interpretan como síntomas dunha tendencia que se acelera.

CONTENIDO PATROCINADO

Salado Golf & Beach Resort

Descubre la oportunidad de inversión más exclusiva del Caribe. Villas de lujo con retorno garantizado del 12% anual en Punta Cana.

Conoce más →

O comportamento global sitúa a Santiago como a terceira cidade galega por número de sociedades, por detrás de Vigo (21.112) e A Coruña (19.100), e lixeiramente por diante de Ourense (8.096) e Lugo (7.635). A pesar dese ranking, a dinámica interna de perda de empresas plantea dúbidas sobre a capacidade da capital para manter o seu tecido produtivo máis pequeno e local.

Por que se pechan empresas: factores estruturais e coyunturais

Tras os números hai causas diversas e, en parte, coñecidas. Comerciantes do Ensanche e representantes de asociacións apuntan á combinación da subida do custo da vida, a presión dos alugueiros comerciais, o avance do comercio electrónico e a competencia de grandes operadores como factores que erosionan a rendibilidade do pequeno comercio. A liberalización das rebaixas ao longo do ano, segundo representantes do sector, acabou por ser un «castigo» para quen basean o seu negocio en márxes axustadas.

Desde Raigame, a asociación de veciños do Ensanche, o presidente Xosé Manuel Durán avisara xa a principios de xaneiro de que o ocorrido nos últimos meses —peche de máis de cen comercios en 17 meses segundo a Unión de Profesionais, Traballadoras e Traballadores Autónomos (UPTA)— debuxa «unha tendencia moi preocupante» con consecuencias para toda a cidade: perda de emprego, menos vida no barrio e o risco de que se modifique a fisonomía comercial do centro.

«Hai uns meses o presidente da UPTA alertaba moi seriamente das consecuencias do peche de máis de 100 comercios nos últimos 17 meses en Santiago de Compostela… é unha tendencia moi preocupante», dixo Xosé Manuel Durán.

Comerciantes con décadas na cidade queixanse do aumento dos custos enerxéticos, das taxas e da fiscalidade que, xunto co encarecemento da financiación ata hai pouco e a incerteza da demanda turística en momentos puntuais, reduciron os períodos de equilibrio necesarios para consolidar negocios. Comercio Punto Compostela, que agrupa a establecementos do centro, subliña ademais a crecente «carestía da