SonDeSeu, unha das propostas do BNG, actuou o venres en Balaídos. / Marta G. Brea
Propostas do BNG para Vigueses Distinguidos
O BNG de Vigo vén de trasladar á Alcaldía e aos grupos municipais as súas catro propostas para seren recoñecidas como Vigueses Distinguidos na edición deste ano, que se celebrará o xoves 26 no Mar de Vigo.
Os nacionalistas apostan por figuras da arte, cultura e do movemento veciñal. Entende o seu portavoz, Xabier P. Igrexas, que «representan moi ben o talento, o compromiso cívico e a pluralidade da nosa cidade».
Candidaturas impulsadas
As candidaturas que impulsa o BNG son a de José Manuel Nogueira, coñecido pola súa traxectoria de case sete décadas dedicada á defensa, ensino e promoción da música e do baile tradicional galego en Vigo.
Tamén SonDeSeu, primeira orquestra folk de Galicia nacida en Vigo en 2001; a asociación veciñal de Teis, que este ano cumpre medio século de historia; e a título póstumo o pintor Xosé Lodeiro, un dos artistas máis singulares da plástica contemporánea.
