O xuízo contra Florian R., sinalado como autor do apuñalamento que lle custou a vida a Soufian M. na madruga do 8 de xuño de 2019 en Salceda de Caselas, celébrase esta semana na Sección Cuarta da Audiencia Provincial de Pontevedra. O acusado, detido no Reino Unido en xaneiro de 2024, enfrontase a unha petición da Fiscalía de 25 anos de prisión por un delito de asasinato; a vista será con tribunal de xurado.

Os feitos: unha discusión que terminou en morte

Segundo o relato do Ministerio Público, a vítima atopábase na terraza dun establecemento de lecer cando foi abordada polo agora procesado tras unha discusión por unha copa derramada. A versión da acusación describe como o enfrontamento, inicialmente verbal, derivou nun forcexeo que continuou mentres ambos se dirixían cara á praza do Concello da localidade.

Naquel empurrón e forcexeo, a vítima caeu ao chan e o acusado, segundo a acusación, aproveitou o desplome para sacar unha arma branca e asestarlle tres puñaladas. Os informes forenses que obran no sumario atribúen a unha das feridas a lesión do corazón e constatan que a causa do falecemento foi unha hemorraxia masiva.

«para atrás»

O fiscal describe a arma como unha navalla de folla estreita —entre 1,5 e 2 centímetros de anchura e de 8 a 10 centímetros de lonxitude— que impactou en zonas vitais: tórax, escápula esquerda e rexión dorsal esquerda. Tras o ataque, o agresor fuxiu do lugar deixando á vítima tendida; Soufian conseguiu levantarse e camiñar apenas uns pasos antes de caer definitivamente na entrada da praza.

Non é menor o feito de que a investigación sufriu un traspie nos seus inicios: unhas horas despois do crime chegou a deterse a unha persoa que ingresou en prisión provisional e foi posta en liberdade días máis tarde cando as dilixencias sobre ela se arquivaron por identificación errónea. Aquela actuación inicial alimentou a inquietude nun pobo pequeno onde a comunidade se volcou desde o primeiro momento na procura de respostas.

Unha investigación internacional que terminou en extradición

A Garda Civil reactivou a causa co que se denominou Operación Parchita e foi recopilando probas: fotografías e vídeos achegados por testemuñas desde distintos locais de lecer da comarca permitiron obter unha imaxe do suposto autor que se difundiu publicamente en 2020. Paralelamente, os laboratorios da Comandancia de Pontevedra traballaron na obtención do perfil xenético e realizáronse análises de identificación facial e periciais por parte do Grupo de Apoio Técnico da UCO.

Con eses elementos e tras descartar outros candidatos, os investigadores localizaron pistas que situaban o sospeitoso fóra de España. Os rastrexos levaron por varios países —Portugal, Italia, Albania e Grecia— ata rematar no Reino Unido. A maxistrada instrutora de O Porriño activou o procedemento de extradición e, coordinada coa policía británica vía Interpol, logrou localizar e deter o home o 6 de xaneiro de 2024 no condado de Cheshire. Pouco despois, o 25 de xaneiro, pasou a disposición xudicial en España e quedou en prisión provisional.

Durante a detención no estranxeiro detectouse ademais que o investigado tiña outra reclamación xudicial pendente en Galicia, concretamente en Cambados, pola súa presunta vinculación con feitos relacionados co narcotráfico, circunstancia que figura nas actuacións e complica aínda máis a súa situación procesal.

Responsabilidades civís, petición de expulsión e o peso simbólico do caso

A acusación pública solicita, ademais da pena privativa de liberdade e que esta se cumpra íntegramente en España, medidas de carácter accesorio: a expulsión do territorio nacional no caso de acceder a un terceiro grao e a prohibi