Un veciño do Porriño faleceu este venres tras caerlle enriba unha árbore que estaba a cortar. Segundo informa o 112 Galicia, un familiar da vítima foi quen, arredor das 17.00 horas, chamou para pedir axuda.

Cando ocorreu o tráxico accidente, o home, que tiña uns 65 anos, cortaba unha árbore que estaba a piques de caer na súa leira, situada no lugar do Casal, en San Salvador de Budiño. Ata o lugar desprazouse de inmediato o persoal do Servizo de Urxencias Sanitarias de Galicia-061, que só puido confirmar o seu falecemento.

A Garda Civil, a Policía Local e os efectivos da Agrupación de Voluntarios de Protección Civil da localidade tamén foron mobilizados no operativo.

🔴#AXEGAInforma dun home falecido no Porriño.

📍 Lugar do Casal, San Salvador de Budiño.
➡️ A vítima cortaba unha árbore cando lle caeu enriba.

🚨 Urxencias Sanitarias de Galicia-061, @guardiacivil, Policía Local e Protección Civil.

🔗 https://t.co/ivMfqFBgFj pic.twitter.com/JClwyG7fBR

Hai apenas 13 días, un veciño de Redondela de 56 anos faleceu en Soutomaior tras sufrir tamén un accidente mentres cortaba unha árbore.

Os feitos producíronse arredor das 10.00 horas nunha zona de monte en Moreira, segundo indica Protección Civil da Mancomunidade de Oitavén-Tea. O falecido era un madeireiro que traballaba con frecuencia nestes montes e na zona de Redondela.

[FOTO: Imaxe relacionada co desenvolvemento dos acontecementos]
Así afecta á cidadanía