Un condutor que viaxaba co seu vehículo pola LU-P-1703 no termo municipal de Castro de Rei saíu da vía arredor do punto quilométrico 14, na parroquia de Bazar, despois de sufrir unha indisposición ao volante.
Así llo transmitiu un particular na súa chamada á central de emerxencias do 112 Galicia, que recibiu o aviso do accidente pasados uns minutos das oito da mañá deste luns.
Ao coñecer o suceso, desde o 112 decidiuse mobilizar unha ambulancia de urxencias sanitarias, que se encargou de atender ao condutor, e a axentes do Subsector de Tráfico da Garda Civil de Lugo.
