A residencia e centro de día Albertia Lugo encheuse de diversión e cor para celebrar o Entroido.

Coincidindo coa festa, os usuarios puideron gozar dun entretemento que nunca pasa de moda: o parchís.

Unha homenaxe singular ao parchís

Pero a homenaxe ao clásico xogo foi singular, pois os propios residentes convertéronse en fichas e gozaron escenificando as partidas.

O centro transformouse en taboleiro e os usuarios de cada planta caracterizáronse dun cor (vermello, amarelo, azul e verde).

Ambiente festivo e visual

Tanto residentes como traballadores volcáronse na temática, creando un ambiente festivo e moi visual en cada recuncho.

Partida a gran escala e equipo gañador

O luns de Entroido chegou o momento de xogar. Organizouse unha animada e reñida partida de parchís a gran escala, onde a estratexia e a sorte cos dados mantiveron a emoción ata o último segundo.

Gañou o equipo verde, pero todos os participantes gozaron tanto da preparación do xogo como da actividade en equipo e do momento distendido.