O ceo regalou onte á noite un deses espectáculos que embelesan a quen o contempla: a Lúa do Verme. Este plenilunio anuncia o próximo fin do inverno e a chegada da primavera. De feito, debe o seu nome ao espertar das larvas co cambio de estación.
Esta terceira lúa chea do ano, despois das do Lobo e da Neve, refulxiu nunha noite despexada que permitiu a súa observación a simple vista.
Como é habitual, o seu magnetismo trasládase ás mareas, que estes días amósanse máis intensas, alcanzando case os catro metros na preamar e apenas medio metro na baixamar.
O próximo plenilunio será o 2 de abril: a Lúa Rosa ou do ovo.
A nova estación dará comezo o 20 de marzo ás 15:46 horas. Durará aproximadamente 92 días e 18 horas, e rematará o 21 de xuño co inicio do verán.
Resulta curioso, pero, segundo apunta o Instituto Xeográfico Nacional (IGN), a estación das flores non sempre se estrena o mesmo día: pode facelo entre o 19 e o 21 de marzo. De feito, 2003 marcou o rexistro máis tardío neste século: foi o 21 ás 2 da madrugada. «As variacións dun ano a outro débense ao modo en que encaixa a secuencia de anos segundo o calendario (uns bisiestos, outros non) coa duración de cada órbita da Terra ao redor do Sol», explica o IGN.
A nova estación traerá máis horas de luz: «O Sol sae polas mañás máis dun minuto antes que o día anterior, e pola tarde ponse máis dun minuto despois. Como consecuencia, ao inicio da primavera, o tempo no que o Sol está por riba do horizonte aumenta case tres minutos cada día».
O cambio ao horario de verán produciráse o domingo 29 de marzo. Esa madrugada os reloxos adiantaranse unha hora: as 2 pasarán a ser as 3.
Este manterase ata o domingo 25 de outubro.
Únete a la conversación
Regístrate gratis con tu email para comentar en las noticias. Tu opinión importa.