Unións Agrarias esixiu este martes en Pontevedra a retirada dunha proposta que propón rebaixar ata 2.000 quilos por hectárea o teito de produción na Denominación de Orixe Rías Baixas, ao considerar que suporía trasladar aos viticultores os problemas de stock dalgunhas adegas. O sindicato lanzou a súa protesta no contexto do debate que mantén o consello regulador da denominación e afirmou que a medida castigaría especialmente a subzona do Salnés, onde se concentra a maioría de produtores que venden uva. A organización reclama claridade sobre quen impulsa formalmente a iniciativa e solicita que se achegue un informe técnico que a avale antes de calquera decisión.
A reacción chegou da man do secretario xeral de Unións Agrarias, Roberto García, e do representante do sindicato no consello regulador, Manuel Ángel Dopazo, quen cualificaron a proposta de inxusta e desproporcionada. Os dous participaron no debate público sobre a posíbel modificación do límite de rendementos e coincidiron en que non existen argumentos suficientes que xustifiquen castigar aos viticultores por problemas de xestión de stock alleos á súa actividade. Segundo o sindicato, a iniciativa beneficiaría a un número reducido de adegas en detrimento do conxunto da denominación.
Unións Agrarias subliña que non hai fundamentos técnicos, económicos nin de calidade que sosteñan o recorte e lembra que, hai apenas uns días, o propio consello regulador fixera unha valoración positiva da campaña, con incrementos nas vendas e nas exportacións. Para o sindicato, resulta contraditorio que, fronte a eses datos macro, agora se plantexe reducir rendementos como se fose a vía adecuada para resolver desaxustes puntuais. García puxo en dúbida a proporcionalidade dunha medida que, ao seu xuízo, non atende á realidade heteroxénea das diferentes subzonas da denominación.
O impacto diferencial é, precisamente, un dos argumentos centrais da protesta. Unións Agrarias advirte de que a medida prexudicaría de forma notable O Salnés —considerado «o corazón» de Rías Baixas por concentrar a maior parte das explotacións tradicionais e dos viticultores que venden uva—, mentres que outras zonas como O Rosal ou a Ribeira do Ulla, con rendementos medios máis baixos, sufrirían menos. Esa asimetría, sosteñen, podería agravar a precariedade económica de familias que dependen directamente da comercialización da uva.
A organización ofreceu cifras orientativas para ilustrar as consecuencias económicas da proposta: un viticultor cunha hectárea e unha colleita de 12.000 quilos vería reducidos os seus ingresos de maneira significativa se se aplicase o recorte, dado que os custes de man de obra, tratamentos e mantemento da viña permanecerían sen cambios. Unións Agrarias estima que a perda de ingresos para ese perfil de explotación rondaría os 4.000 euros, unha cifra que, segundo subliñaron, fará inviable para moitos asumir a medida sen perder rendibilidade. Esa proxección serve para explicar a indignaión e o rexeitamento masivo entre os produtores.
O sindicato tamén alertou sobre efectos colaterais do axuste: unha redución severa de cotas podería incentivar a saída de uva e viño fóra do amparo da denominación e alimentar mercados paralelos, coa consiguiente perda de control sobre a calidade e a trazabilidade do produto. García planteou que non é razoable obrigar a pagar con menores ingresos a quen xa están a traballar na viña e mantivo que a uva que cumpra os requisitos de calidade e estea nas parras debe ter cobertura legal para ser comercializada baixo a D.O., fronte ao que cualificou como solucións que penalizan a produtores por uva «virtual» ou fóra de cota.
Na súa intervención, Unións Agrarias esixiu ao consello regulador que faga pública a autoría formal da pro
Únete a la conversación
Regístrate gratis con tu email para comentar en las noticias. Tu opinión importa.