Julián Bustelo presentou este venres en Rianxo un balance dos seus primeiros mil días á fronte do Concello, onde destacou os avances en obras, servizos e políticas sociais e anunciou proxectos a curto prazo para o municipio. Acompañado polos catro edís que integran o seu equipo, o alcalde defendeu que o seu Executivo soubo gobernar pese a facelo en minoría e aproveitou para presentar a marca estratéxica «Rianxo 20-30», destinada a garantir a continuidade dos grandes proxectos municipais máis alá da lexislatura. A comparecencia serviu ademais para repasar investimentos, iniciativas culturais e plans de futuro como a reforma do fronte marítimo e a creación dun novo polígono industrial.
No seu repaso, o rexedor puxo o acento na aposta pola infraestrutura: o Concello destinou 2 millóns de euros a obras de saneamento e abastecemento e preto de 1 millón a pavimentacións, segundo explicou durante a rolda de prensa. Bustelo lembrou que, tras un inicio de mandato marcado pola traba para aprobar as retribucións do seu equipo —acordadas co PSOE en abril de 2024—, o seu equipo priorizou actuacións que melloren a calidade de vida e a capacidade económica do municipio. A marca «Rianxo 20-30», insistiu, non responde a unha campaña electoral, senón á vontade de dar continuidade a proxectos estratéxicos de longa traxectoria.
Entre os proxectos a curto e medio prazo, o alcalde mencionou a redacción dun ambicioso plan de transformación do fronte marítimo, que incluíra melloras no paseo e nas proteccións fronte ao mar, así como actuacións para potenciar o turismo e o patrimonio local. En materia urbanística, un dos retos que plantexou o equipo de goberno é a creación dun novo polígono industrial que permita atraer actividade económica e dar resposta á demanda de solo produtivo na zona. Ademais, Bustelo avanzou que o equipo técnico está pechando os orzamentos municipais de 2026 coa intención de levalos a pleno este mesmo mes.
O alcalde asegurou que as contas de 2026 serán «as máis altas dos últimos anos» e que permitirán, entre outras iniciativas, aprobar «a primeira RTP de Rianxo», unha ordenación interna do persoal municipal que, segundo explicou, busca dotar o Concello de maior estabilidade e eficacia. Tamén resaltou as liñas de axudas aprobadas para o comercio local, a hostalería e a confraría, e sinalou que se encargou un estudo para renovar o céspede do campo de fútbol de Vilas, unha demanda histórica de clubs e usuarios.
A concelleira de Servizos Sociais, Ana Vidal, incidiu nos avances en políticas de dependencia e conciliación: lembrou as axudas ás asociacións de nais e pais, o servizo «Rianxo Madruga», a Unidade de Atención Temperá pola que pasaron máis de sesenta familias, e os programas de envellecemento activo coa posta en marcha dun centro de estimulación terapéutica no Liceo. Vidal destacou dúas apostas concretas: a habilitación dun centro de día no Pazo de Rianxiño, coa obra valorada en 170.000 € e xa aprobada en pleno e por Patrimonio, e a cesión dunha parcela á Deputación para impulsar a Casa de Acompañamento ás Persoas Maiores.
En materia cultural, o concelleiro de Cultura, Julio Alcalde, anunciou a próxima reforma do auditorio municipal, para o que xa se encargou unha auditoría que determine as actuacións necesarias, e a rehabilitación da antiga Casa do Mar para convertela na Casa da Música Ramón Carou. Alcalde defendeu a programación cultural deste mandato, que, dixo, é obxecto de atención e recoñecemento en numerosos concellos pola súa variedade e calidade, e subliñou a importancia desa oferta para dinamizar a vida local e atraer visitantes.
Pola súa banda, o responsable de Obras, Alberto Angueira, resaltou a
Únete a la conversación
Regístrate gratis con tu email para comentar en las noticias. Tu opinión importa.