Un estudo realizado en 2026 revela que case a metade dos españois maiores de 50 anos presenta dificultades persistentes para durmir, unha tendencia que se acentúa entre as mulleres. O informe, titulado ‘Barómetro sobre trastornos do sono 2026’ e elaborado a partir dunha enquisa a 1.200 adultos pola farmacéutica Takeda, sitúa no 42% a proporción de persoas de 50 anos en adiante que declara problemas habituais de sono. O sondeo subliña ademais unha fenda entre a importancia que a poboación concede ao sono e as medidas que adopta para melloralo.
No conxunto do país, o 38% afirma ter problemas de sono de forma recurrente e un 19% padeceos de maneira ocasional, de xeito que máis da metade dos enquisados (57%) recoñece experimentar dificultades relacionadas co descanso. As mulleres informan de problemas con máis frecuencia que os homes: o 60% fronte ao 54%. A pesar de que o 66% asegura manter horarios regulares para durmir, esas rutinas non son suficientes para evitar a alta prevalencia de insomnio e despertares nocturnos.
Un aspecto que preocupa aos investigadores do barómetro é o baixo número de persoas que consultaron ou se plantexan consultar cun especialista. O 27% notou cambios na calidade do sono no último ano o suficientemente significativos como para considerar pedir axuda médica, unha proporción que se eleva ao 30% entre as mulleres e baixa ao 23% nos homes. Ao mesmo tempo, o 96% dos enquisados admite que durmir ben é esencial para a saúde, pero a práctica habitual non se axusta a esa convicción.
A falta das horas recomendadas tamén é notable: o 43% recoñece non chegar ás sete ou oito horas de sono aconselladas. O grupo de idade entre 50 e 64 anos é o que presenta peores rexistros neste indicador, con un 49% que non alcanza a cantidade de sono considerada saudable. Estes datos sitúan aos adultos de idade media nunha posición de risco na que factores laborais, coidados e cambios fisiolóxicos poden coincidir.
O informe ofrece ademais un mapa rexional con diferenzas claras. As Comunidades onde máis persoas declaran dificultades habituais para durmir son o País Vasco e Canarias, con un 47% en ambos os casos, mentres que Galicia e Murcia rexistran as cifras máis baixas, 28% e 29% respectivamente. En Cataluña case a metade dos enquisados (49%) afirma non ter nunca problemas para conciliar o sono, fronte a un 33,8% que di padecelos a miúdo e un 17,2% que os sofre ás veces.
Mais alén das alarmas, o barómetro acompaña os datos cun diagnóstico sobre hábitos e percepción. O 58% dos participantes recoñece non ter feito nada concreto para mellorar o seu descanso nin informarse sobre o tema; entre as persoas maiores de 65 anos este porcentaxe sobe ao 64%. En total, só o 42% admite ter tomado algunha iniciativa para optimizar o seu sono, o que indica unha fenda entre coñecemento e acción.
A conciencia sobre factores que afectan ao sono é elevada en algúns ámbitos: o 77% sabe que usar pantallas antes de acostarse prexudica o descanso e o 79% identifica a influencia da cafeína ou do alcohol. Sen embargo, cuestións máis técnicas gozan de menor penetración: o 68% escoitou falar das fases REM e non REM, e aproximadamente tres de cada dez persoas aínda non saben distinguilas. Así mesmo, o 72% opina que en España o sono non recibe a mesma atención que a alimentación ou o exercicio físico.
O documento apunta tamén a un descoñecemento importante dos recursos especializados dispoñibles para abordar os trastornos do sono, como as unidades do sono en centros sanitarios e os tratamentos específicos. Especialistas consultados en estudos anteriores coinciden en que a falta de información, as longas listas de espera e a estigmatización dos problemas de descanso dificultan o acceso a diagnósticos e terapias axeitadas.
Perante estes resultados,
Únete a la conversación
Regístrate gratis con tu email para comentar en las noticias. Tu opinión importa.