O Reyco Burela FS non logrou manter a renda de dous goles coa que se viu ao comezo da segunda parte e empatou a dous tantos fronte ao Gasifred Atlético Ibiza nun partido onde os mariñaos foron mellores na primeira parte e os isleños na segunda.

Con este resultado, o equipo de Juanma Marrube sae dos postos de descenso, aínda que está empatado coa Sala 5 Martorell a 20 puntos.

Primeira parte igualada e oportunidades claras

A primeira parte foi igualada, con máis posesión de balón para o conxunto ibicenco, e mellores ocasións para o Reyco Burela FS, sobre todo nos primeiros dez minutos.

Alan, nun un para un, e Bingyoba, tiveron ocasións claras para anotar.

Coa entrada de Jason no campo, o conxunto local creou máis perigo, pero a resposta veu por parte de Hugo Alonso, que ata en tres ocasións tivo a oportunidade de marcar.

O penalti e o primeiro gol

O penalti chegou tras un pase filtrado ao que chegou Jason e o porteiro Álvaro trabouno.

Pitero anotou, aínda que antes do descanso Buitre fixo intervir a Torero, que fixo unha boa parada.

Remontada do Ibiza na segunda parte

A segunda parte non puido comezar mellor para os locais, cun gol de Pitero a pase de Raid.

Pero a partir de entón, o dono do duelo foi o Ibiza. Non aproveitaron a superioridade tras ver Bingyoba unha dobre cartón amarela, pero si reduciu diferenzas pouco despois o exburelista Ramón Vargas nun balón que quedou morto na área pequena.

Con 2-1 no marcador e o Ibiza volcado sobre a meta de Lautaro, Charly e Alberto tiveron dúas ocasións claras para marcar, pero foi de novo Ramón Vargas nun contragolpe o que anotou.

A falta de algo menos de catro minutos para o final, Marrube apostou por porteiro-xogador, e aínda que tiveron algunha ocasión, non foron quen de lograr o tanto da vitoria ante a súa afección no pavillón de Vista Alegre.