Grupo Nortempo anuncia o nomeamento de Ángel Pidal como novo CEO, marcando o inicio dunha etapa centrada no crecemento sostible, a excelencia operativa e a expansión internacional. A súa visión estratéxica sitúa ás persoas no centro e reforza o compromiso do grupo cun modelo de liderado baseado na escoita activa, a proximidade e a capacidade de anticiparse ás novas dinámicas do mercado laboral.
O novo CEO asume a dirección co obxectivo de acelerar o Plan Estratéxico 2026–2030, impulsando a diversificación de solucións, a especialización por sectores e a consolidación de Nortempo como un actor global na xestión integral de recursos humanos.
“Cunha visión clara de liderado e xestión, o crecemento e a creación de valor para os clientes permitirán a consolidación do grupo e a súa internacionalización”, afirma Ángel Pidal. “O futuro require líderes que se atrevan a cambiar as regras e non só a xogar con elas”, puntualiza o novo CEO.
A traxectoria de Ángel Pidal combina a súa formación de dobre grao en Administración e Dirección de Empresas e Dirección Comercial e Márketing cunha carreira marcada pola asunción temperá de responsabilidades.
Ángel chega a esta responsabilidade tras unha década de traxectoria no grupo, un percorrido que comezou desde a base e que o levou a pasar por diferentes departamentos e áreas de negocio, consolidando unha visión operativa e próxima ao día a día de equipos, clientes e candidatos, e contribuíndo de forma directa á evolución do grupo. Na última etapa asumiu as direccións xerais de Nortempo selección e Grupo Clave, acadando en ambos negocios un crecemento arredor do 70% de facturación en 2025, e impulsou o recrutamento internacional, xestionando 1.500 incorporacións na orixe (con previsión de acadar as 4.000 en 2026).
Grupo Nortempo pechou 2025 cun crecemento do 20% e 170 millóns de euros de facturación, e afronta 2026 co obxectivo de manter un ritmo de crecemento de dobre díxito, reforzando a rendibilidade operativa mediante eficiencia, innovación e especialización.
Con máis de 35 anos de evolución constante ao servizo de organizacións empresariais no eido da xestión de recursos humanos, Grupo Nortempo ofrece múltiples solucións aos seus clientes, desde traballo temporal, pasando pola selección, headhunting, formación, consultoría, outsourcing ou Centro Especial de Emprego. Cun cadro de persoal de 500 persoas empregadas e máis de 50 centros de traballo en 8 países, o grupo empresarial conta con todos os medios necesarios para acompañar ás compañías no seu camiño cara á eficiencia e produtividade na xestión integral de RR.HH.
