Febreiro consolida vendas de automóbiles electrificados

As vendas de turismos no mes de febreiro aumentan, así como o acumulado no que vai de 2026. / Freepik

Tras un bo arranque de ano, febreiro consolida a tendencia á alza das vendas e matriculacións do sector automobilístico español.

En total matriculáronse 97.082 turismos, un 7,5% respecto ao mesmo mes do ano anterior; e a suba do acumulado do ano é do 4,6% interanual, cun total de 170.186 unidades matriculadas.

Crece tamén en febreiro todos os canais de venda: particulares, empresas e alugadoras, estas últimas cunha diferenza do 22,6%. Non obstante, no que vai de ano, as vendas a particulares e a empresas caen uns tímidos 1 e 0,4%, respectivamente.

Febreiro impulsa vendas de vehículos electrificados

O maior crecemento seguen rexistrándoo os motores PHEV, cunha subida do 75,2% na comparación mes a mes e un crecemento do 71,5% no acumulado do ano. A continuación están os coches eléctricos, que con 8.890 unidades creceron un 45,5% no mes e un 38,1% no acumulado do ano. Estas cifras dan esperanza ao mercado eléctrico mentres aínda está pendente de poñer en marcha o Programa Auto+.

A caída dos motores térmicos e dos de gas é innegable. Baixan un 19,5%, un 24% e un 30,4% respectivamente (gasolina, diésel e gas) na comparación mes a mes e fano un 20,8%, un 28,8% e un 26,4% no acumulado interanual. O peor parado segue a ser o diésel, unha tendencia que pode cambiar tras os últimos anuncios dalgunhas marcas para recuperar estes motores para os mercados europeos.

No que respecta ao resto de categorías, o total de vehículos comerciais lixeiros matriculados en febreiro alcanzou as 15.754 unidades, un 12,7% máis que no mesmo mes de 2025. Tamén medra un 12,1% o total de vehículos industriais e autobuses, cun total de 2.891 unidades. Ambos mercados soben as cifras acumuladas nestes dous meses de 2026, con un 8,9% e un 7,2%.