Mazda CX-5, máis por menos / Mazda
Mazda renova o CX-5 e fáoo de xeito profundo, cun aumento das dimensións, mellor equipamento, retoques estéticos que afectan en particular ao interior.
Ofrece unha mellor habitabilidade e máis capacidade de maleteiro. O obxectivo da marca nipona non é outro que situar de novo o seu SUV entre os mellores do segmento C e seguir sendo un pilar nas súas vendas que fan que para Mazda, España sexa o terceiro mercado de Europa.
Mazda CX-5, máis por menos / Mazda
Novas dimensións e deseño exterior
Esta terceira xeración do CX-5, que comezará a comercializarse en poucos días, medrou en todas as súas cotas de modo que se sitúa moi preto do CX-60.
A lonxitude agora é de 4,69 metros, cunha altura de 1,70 metros, unha anchura de 1,86 metros e unha distancia entre eixes de 2,82 metros que xa anticipa unha boa habitabilidade. Especialmente nas prazas traseiras, que gañaron algúns centímetros para as pernas.
Esteticamente recibe algúns retoques. O frontal é máis alto e máis vertical cunha parrilla máis ancha, mentres que na zaga se modificou a posición dos pilotos cunha nova sinatura lumínica.
O portón é máis vertical e no centro substituíuse o emblema polo nome da marca. As llantas segundo o nivel de acabado son de 17 ou 19 polgadas.
Habitabilidade e maleteiro mellorados
O aumento das dimensións, ademais de repercutir nunha mellor habitabilidade e máis confort para os pasaxeiros que dispoñen dunha boa altura libre ao teito, tamén afectou ao maleteiro.
Agora ofrece unha capacidade de 583 litros (61 máis que na xeración anterior) e que pode chegar ata os 2.019 litros abatendo o respaldo dos asentos traseiros.
Mazda CX-5, máis por menos / Mazda
Interior tecnolóxico e máis confortable
Se o exterior recibiu retoques, o interior é completamente novo e accédese con moita facilidade, especialmente no caso das prazas traseiras gracias a un maior ángulo de apertura das portas.
O salpicadeiro está presidido por unha enorme pantalla táctil de 15,6 polgadas no caso da versión máis alta e de 12,9 para o resto da gama desde a que se controla absolutamente todo, xa que en aras da tecnoloxía elimínanse todos os botóns.
A conectividade recorre a Google Automotive Services con Google Maps coa IA Gemini incluída, ademais de Apple CarPlay e Android Auto.
Ademais dun novo volante multifunción, o cadro de instrumentos dispón dunha pantalla de 10,25 polgadas e opcionalmente pódese dispor dun head-up.
Os asentos son cómodos e recollen o corpo; pódese elixir con diversos materiais de tapicerías e combinacións de cor.
En liñas xerais experiméntase un notábel salto cualitativo tanto en materiais como en acabados e axustes.
Mazda CX-5, máis por menos / Mazda
Motorización e versións
A agarda de que o próximo ano chegue un motor híbrido máis potente, este novo CX-5 chega cun motor gasolina atmosférico de 2,5 litros con hibridación lixeira que rende 141 CV e vai asociado a un cambio automático de seis velocidades.
O motor queda algo curto de potencia, sobre todo tendo en conta que o coche xa supera os 1.600 quilos na versión de tracción dianteira e pesa máis coa tracción ás catro rodas.
O motor empurra pero non hai que agardar prestacións deportivas e de feito a orientación desta xeración vai dirixida ao confort.
Traballouse na dirección, de mellor resposta, mentres que tanto os amortiguadores como os muelles se ajustaron para ofrecer máis confo
Únete a la conversación
Regístrate gratis con tu email para comentar en las noticias. Tu opinión importa.