Morre un neno de dous anos en Carballo ao atragantarse cunha gominola

O funeral celebrarase este luns na igrexa parroquial de Bértoa. / Cedida

Un neno de dous anos faleceu este fin de semana en Carballo tras sufrir un atragantamento ao inxerir unha gominola durante unha celebración familiar.

Os feitos ocorreron o sábado. Ás 20.25 horas o 112 Galicia recibiu unha alerta a través de Urxencias Sanitarias 061, que mobilizou ata o lugar a profesionais médicos que, pese aos seus esforzos, nada puideron facer por salvar a vida do pequeno, a pesar de que conseguiron retirarlle a gominola que había inxerido, segundo informa Europa Press.

Ata o lugar tamén foron mobilizados axentes da Garda Civil e da Policía Local.

O pequeno está a ser velado nun tanatorio de Carballo e ás cinco da tarde celebrarase o funeral con corpo presente e, posteriormente, o enterro no cemiterio parroquial de Bértoa.