A devoción ao Ecce Homo de Viveiro mantense. Centos de persoas peregrinaron este venres para pedir o favor do Cristo.

Ademais de acender cirios baixo a carpa instalada pola Confraría da Misericordia, no interior do templo impuxéronlles o santo e solicitaron os tres desexos ou grazas, dos que a tradición di que polo menos cumpre un.

Testemuños de devotos

Rosa Rúa, veciña de Landrove, explica que a súa avoa lle contaba que "antes había unha tradición moi grande e incluso cruzaban a ponte de xeonllos pola fe neste. Agora non hai tanta devoción. Penso que a xente se acorda de Santa Bárbara cando trona. Cando empeza a apertar acórdaste, por se hai algo".

Di que lle piden saúde, sobre todo, e que "a xente nova teña boas compañías e saia boa". Ela acode por fe.

Tradicións familiares e agradecementos

Diego Fernández Bermúdez continúa a tradición familiar e apunta que seu pai leva o santo en Semana Santa, algo que espera facer el no futuro. "Sempre pido saúde" e di que "con que se me cumpra unha graza, xa me chega", indica.

Mari, outra devota vivariense, apunta que algunhas persoas van "simplemente a dar grazas. É o vir, estar".

Organización da celebración

Pola súa banda, Ramiro Mel colaborou poñendo o santo durante a tarde e constataba que "veu bastante xente, pola tarde sempre vén máis".

Ademais, sinalaba que a quen acode por primeira vez explícanlle como funciona a celebración.