A devoción ao Ecce Homo de Viveiro mantense. Centos de persoas peregrinaron este venres para pedir o favor do Cristo.
Ademais de acender cirios debaixo da carpa instalada pola Cofradía de A Misericordia, no interior do templo impuxéronlles o santo e solicitaron os tres desexos ou grazas, dos que a tradición di que polo menos se cumpre un.
Testemuños de devotos
Rosa Rúa, veciña de Landrove, explica que a súa avoa contáballe que «antes había unha tradición moi grande e incluso cruzaban a ponte de xeonllos pola fe. Agora non hai tanta devoción. Penso que a xente se acorda de Santa Bárbara cando trona. Cando empeza a apretar acórdaste, por se hai algo».
Di que lle piden saúde, sobre todo, e que «a xente nova teña boas compañías e saia boa». Ela acode por fe.
Tradicións familiares e agradecementos
Diego Fermández Bermúdez continúa a tradición familiar e apunta que o seu pai leva o santo na Semana Santa, algo que el espera facer no futuro. «Sempre pido saúde» e di que «con que se me cumpra unha grazia, xa me chega», indica.
Mari, outra devota vivariense, apunta que algunhas persoas van «simplemente a dar grazas. É vir, estar».
Organización da celebración
Pola súa parte, Ramiro Mel colaborou poñendo o santo durante a tarde e constataba que «veu bastante xente, pola tarde sempre vén máis».
Ademais, sinalaba que aos que acoden por primeira vez lles explican como funciona a celebración.
Únete a la conversación
Regístrate gratis con tu email para comentar en las noticias. Tu opinión importa.