Bala en La Revuelta: rock, maternidade e 'feito en Galicia

Bala, a banda galega, visitou este xoves o programa La Revuelta para pechar a semana cunha actuación en directo e unha entrevista onde abordaron temas musicais e persoais.

Anxela Baltar, guitarrista coruñesa, e Violeta Mosquera, batería pontevedresa, interpretaron a súa canción Prisas como adianto da xira que comezan esta mesma semana.

O dúo, coñecido por álbums como Human flesh e Lume, recentemente reeditados tras anos esgotados no mercado, aproveitou o seu paso polo espazo de David Broncano para reflexionar sobre a súa traxectoria e as súas influencias.

A maternidade e a creación musical

Durante a entrevista, Anxela Baltar falou abertamente sobre a súa experiencia como nai recente e compositora, explicando como estes dous roles se entrelazaron na creación do álbum Besta de 2024.

«Todo o mundo che di o que tes que facer, como alimentar ao teu bebé, como durmir… non me ralles, deixa que me equivoque!», exclamou a guitarrista ao comentar o tema Equivocarme, primeira canción do disco que escribiu tras converterse en nai.

Un agasallo especial e o legado de Extremoduro

As integrantes de Bala tamén entregaron un agasallo especial ao presentador David Broncano: un bordado realizado pola artista galega Lúa Mosquetera que representa unha entrevista de Broncano a Robe Iniesta.

Este detalle feito en Galicia serviu como punto de partida para abordar a influencia do falecido líder de Extremoduro na escena rock española.

«Cantos grupos non existirían se non fose por Extremoduro e Robe. Igual nin nós existiríamos», dixeron as convidadas, recoñecendo así o legado do músico que faleceu o pasado 10 de decembro.

Ambas admitiron que choraron o día do seu falecemento.

Unha publicación compartida por La Revuelta (@larevuelta_tve)
Prisas
🎤 BALA
Hoxe tremeron os alicerces do teatro. Anxela e Violeta van sobradas, como soan #LaRevuelta pic.twitter.com/nzt0dltlhg

Protagonistas olímpicos en La Revuelta

A entrevista principal do programa deste xoves tivo como protagonistas a Oriol Cardona e Ana Alonso, medallistas nos Xogos Olímpicos de Inverno de Milano-Cortina celebrados este mes.

Os esquiadores de montaña lográron tres medallas para España: Cardona colgouse o ouro na proba masculina de velocidade, mentres que Alonso obtivo o bronce na competición feminina, engadindo ambos outro bronce na modalidade mixta.

Durante a súa conversa con David Broncano, os deportistas abordaron diversos aspectos da vida na vila olímpica, incluído o tema das relacións sexuais nas competicións.

«Puxeron condóns dos Xogos e ao segundo día xa non quedaban, esgotáronse todos», comentaron con humor os convidados, confirmando o mito (ou non tan mito) que rodea estas competicións.

Estes Xogos Olímpicos de inverno serán recordados polo deporte español pero tamén pola cantidade de salseos que houbo. Da para documental. #LaRevuelta pic.twitter.com/6BbIYt0u8h

A recuperación de Ana Alonso

O programa puxo especial énfase en relatar a extraordinaria recuperación de Ana Alonso tras un grave accidente.

A finais de setembro, en plena concentración da selección española, a esquiadora granadina foi atropelada durante un adestramento en bicicleta.

«Era como un tanque, pero eu fun máis dura. Antes de impactar sabía que me ía facer moito dano, pero cando caín e vin