Parlamento Europeo: cifra en 10 millóns e pide fondos da UE

Pleno do Parlamento Europeo en Estrasburgo (Francia) / PHILIPPE STIRNWEISS

O Parlamento Europeo cifra en dez millóns de vivendas o déficit estrutural de oferta en todo o vello continente, é dicir, o número de casas que habería que poñer en marcha para solventar a crise de accesibilidade existente en boa parte dos países membros.

Esta é unha das principais conclusións do informe final que elaborou o organismo sobre a crise da vivenda na Unión Europea, co obxectivo de propoñer solucións para unha vivenda digna, sostible e asequible.

Propostas para mellorar o acceso á vivenda

O documento, presentado na sede do Parlamento Europeo en Madrid este venres polos eurodeputados Borja Giménez Larraz, do Partido Popular Europeo, autor do borrador inicial, e Alicia Homs, da Alianza Progresista dos Socialistas e Demócratas, reclama a simplificación dos trámites administrativos que permita aumentar os permisos de construción.

Ademais, propón a introdución de «sistemas fiscais baseados en incentivos para apoiar aos fogares de renda baixa e media, eliminar as barreiras fiscais para os compradores da primeira vivenda e facer máis asequibles os alugueres de longa duración».

Investimento e coordinación de fondos europeos

Este informe final, actualización do borrador presentado o pasado mes de setembro, será votado no pleno de Estrasburgo na semana do 9 de marzo, e exixe tamén máis investimento da Unión Europea en vivenda.

¿Como? «Mediante unha mellor coordinación dos fondos existentes e a reasignación de recursos non utilizados do Plan de Recuperación e Resiliencia para apoiar a construción e rehabilitación de vivendas sociais, públicas, cooperativas e asequibles», apuntan no documento.

Neste senso, Giménez Larraz, do PPE, engadiu que «o Banco Europeo de Investimento pode xogar un papel fundamental» e destaca a necesidade dun «fondo propio para impulsar a construción».

Protección de inquilinos e medidas fiscais

Homs, da Alianza Progresista dos Socialistas e Demócratas, que sinalou que o informe «está lonxe de ser perfecto», asegura que ten «aspectos positivos».

«Hai que construír máis, é evidente, pero máis vivenda pública e asequible, que é a que fai falla. Hai xente de clase media con bos soldos que non chega ao final do mes porque non pode pagar o aluguer e menos plantexarse comprar unha casa. ¿Construír? Si, pero tamén devolver pisos ao mercado, non só os turísticos, senón tamén aqueles que están baleiros», explicou.

Neste senso, Giménez Larraz, do PPE, considera que o aumento da oferta é «primordial e fundamental»: «Se non hai vivenda, os prezos van estar disparados.

Propoñemos un paquete de simplificación normativa, que inclúa que o proceso de concesión de licenzas de obra sexa dun máximo de 60 días, a aplicación do principio do silencio administrativo positivo, fomentar a formación dos xoves para incorporalos á construción e reducir os impostos.

O 30 % do valor dunha vivenda son impostos e queremos deixar a porta aberta para que a Comisión Europea reforme a directiva europea do IVE para que haxa un tipo superreducido para a construción de vivenda social, aluguer residencial e rehabilitación».

Datos e cohesión social

A portavoz da Alianza Progresista dos Socialistas e Demócratas defendeu a inclusión na versión final do informe —non o estaba en e