O martes 22 de setembro de 2026, o Concello de Lugo, coincidindo coa celebración do Día sen Coche dentro da Semana Europea da Mobilidade, anunciou a continuidade dunha política de mobilidade que se desenvolverá durante todo o ano, segundo informou o Gabinete de Prensa municipal.
O plan de Mobilidade Urbana Sostible, elaborado por Doymo e aprobado pola administración anterior, indica que en 2022 o 61 % dos desprazamentos na cidade realizáronse en vehículo privado, o 33 % en modos non motorizados (a pé e en bicicleta) e o 5 % en transporte público.
Entre as medidas previstas, o concelleiro de Mobilidade, Antonio Ameijide, sinalou que se está a traballar para incorporar novas liñas de autobuses solicitadas pola veciña, co obxectivo de facilitar o uso do transporte público.
En materia de vehículos eléctricos de mobilidade persoal, Lugo xa conta co primeiro punto de recarga operativo para bicicletas eléctricas, patinetes e outros VMP na zona do Vello Cárcere, e engadirase próximamente un segundo punto preto do parque do Miño, constituíndo a primeira instalación municipal deste tipo na cidade.
O Concello tamén manifestou a necesidade de revisar determinados aspectos do actual deseño da carril bici implantado polo goberno do PSOE e do BNG, para seguir favorecendo o uso da bicicleta e outras formas de mobilidade persoal.
Respecto ao aparcamento, plantexase incrementar as posibilidades de estacionamento disuasorio con dez actuacións previstas; a primeira, no Ceao, dispoñerá de 117 plazas para atender a demanda dunha zona empresarial e comercial importante, mentres que outros parkings se licitarán próximamente.
Para mellorar a seguridade peonil, a administración lanzou unha licitación de 96 000 euros que contempla a instalación de cinco pasos peonais elevados e un lomo de asno na Estrada Vella de Santiago, avenida de Magoi, Ronda das Mercedes, rúa do Conde, rúa das Fontes e na intersección da rúa Virxe da Esperanza coa rúa dos Plateiros.
Así mesmo, estáse reforzando a sinalización horizontal nos itinerarios peonais para aumentar a seguridade dos usuarios a pé.
Instalaranse topes de aparcamento en puntos onde a veciña reclamou maior accesibilidade, evitando que os vehículos invadan as beiradas e garantindo o paso libre dos peatóns.
A Policía Local incorporou un novo dinamómetro para realizar controis selectivos dos vehículos de mobilidade persoal, verificando velocidade, potencia e clasificación, como parte do reforzo da seguridade viaria.
Por último, o Concello está preparando proxectos de maior alcance, como a reordenación do tráfico e da mobilidade nos arredores de Ramón Ferreiro e a Praza da Bretaña, a transformación da rotonda sinalizada de Rodríguez Mourelo nunha rotonda física, a mellora de varios cruces, cambios nos sentidos de circulación e a creación de novas posibilidades de estacionamento.
Fonte: Concello de Lugo
