O atleta ribadense do Maderas Barcia Lourenzá Cervo Pedro Moirón logrou o pase á final do campionato de España sub-16 de pista cuberta, que se está a celebrar en Salamanca, ao vencer nunha das tres series de 1.000 metros. Fíxoo cun tempo de 2:40.52, o que lle deu unha das doce prazas de finalista.

Desenvolvemento da carreira masculina

O mariñán fixo unha carreira intelixente, sempre correndo pola corda. Na última volta entrou no grupo dianteiro e gañou a súa serie por diante do máximo favorito na final, Marcel Samso.

Nesta mesma carreira correu o atleta do Club Atletismo Ribadeo, Darío Rodríguez, que foi noveno cun tempo de 2:47.90. Comezou bastante forte a carreira e pagouno no tramo final da mesma.

Participación feminina

Amelia Carrillo, do Maderas Barcia Lourenzá Cervo, tampouco puido clasificarse para a final dos 1.000 metros feminino ao ser novena na súa serie cun tempo de 3:11.14.

A focense fixo gran parte da carreira pola rúa dous e tamén recibiu varios toques durante a proba.