O atleta ribadense do Maderas Barcia Lourenzá Cervo Pedro Moirón logrou o pasaporte para a final do campionato de España sub-16 de pista cuberta, que se está a celebrar en Salamanca, ao vencer nunha das tres series dos 1.000 metros. Fixoo cun tempo de 2:40.52, o que lle deu unha das doce prazas de finalista.
Desenvolvemento da carreira masculina
O mariñán fixo unha carreira intelixente, correndo sempre pola corda. Na última volta entrou no grupo dianteiro e gañou a súa serie por diante do máximo favorito para a final, Marcel Samso.
Nesta mesma carreira correu o atleta do Club Atletismo Ribadeo, Darío Rodríguez, que foi noveno cun tempo de 2:47.90. Comezou bastante forte a proba e pagouno no tramo final da mesma.
Participación feminina
Amelia Carrillo, do Maderas Barcia Lourenzá Cervo, tampouco puido clasificarse para a final dos 1.000 metros femininos ao ser novena na súa serie cun tempo de 3:11.14.
A focense fixo gran parte da carreira polo carril número dous e tamén recibiu varios toques durante a proba.
Únete a la conversación
Regístrate gratis con tu email para comentar en las noticias. Tu opinión importa.