Un home resultou ferido de consideración nun accidente laboral ocorrido na tarde deste xoves mentres traballaba nunha granxa situada no lugar de Orois, en Melide.
Evacuación e atención sanitaria
Como consecuencia dun corte importante, o operario tivo que ser evacuado en helicóptero polo persoal de Urxencias Sanitarias 061.
Segundo informan dende a central de emerxencias do 112 Galicia, os profesionais sanitarios confirmaron que o traballador presenta un corte de consideración.
Intervención dos servizos de emerxencia
Tras recibir o aviso dun particular sobre as 16.00 horas, os xestores de Emerxencias deron traslado dos feitos ao 061, que desprazou ao punto o helicóptero medicalizado con base en Santiago para levalo ao centro hospitalario de referencia.
Tamén se trasladou a alerta aos axentes da Guardia Civil e da Policía Local, así como aos voluntarios de Protección Civil de Melide.
Únete a la conversación
Regístrate gratis con tu email para comentar en las noticias. Tu opinión importa.