CONTIDO:
Paneis informativos no Palacio da Bolsa de Madrid. / Jesús Hellín – Europa Press

A vivenda en anacos. Reconozco un rubor crecente sobre dous casos de información económica que incomodan particularmente. Quizais por ética ou por simple dereito individual á dúbida sobre a súa idoneidade.

O primeiro principio é non escribir algo a sabiendas de que é falso. Xa é abondo complicado o mundo económico para dar veracidade a algo que se sabe incerto xa desde o minuto cero.

O auxe da ‘tokenización’ de activos

O segundo tabú que intranquiliza é o nacente mercado da ‘tokenización’ de activos. Diríase que da man do token chega a revolución da inversión ao por menor.

O token non é máis que un dereito parcial certificado na rede blockchain. O asunto é etéreo, pero está envolto en contratos.

Afectará calquera mercado. A ‘tokenización’ causa aínda máis angustia no caso da propiedade inmobiliaria.

En momentos nos que crece a corrente pública que esixe que a vivenda deixe de ser un activo de investimento e se transforme no dereito que se proclama na Constitución, chega a blockchain para facilitar unha nova versión da multipropiedade a escala planetaria.

Empresas e novas formas de propiedade

Algunhas empresas xa están a coller posicións neste suculento mercado que ameaza con disparar aínda máis os prezos da vivenda ou dos inmobles, tanto os cutres como os de alto ‘standing’.

Xa é posíbel ‘tokenizar’ a propiedade inmobiliaria, ser propietario parcial dun piso en aluguer e recibir ingresos desa propiedade alugada sen telo visitado nunca nin sequera saber onde se atopa.

Non quero escribir sobre esta posibilidade de investimento ‘tokenizado’ que con toda seguridade triunfará no futuro, facendo que os bens inmobles pasen a ser percentís de propiedade, como nas comunidades de propietarios pero á brava e a nome de empresas e caseros sen rostro.

Pero coñecer a súa existencia é imperativo para entender os movementos políticos que queren censurar a propiedade máis alá da familia e do uso propio.

Impacto na inversión e no mercado inmobiliario

E a ‘tokenización’ chega tamén para quedarse entre os ávidos de investimento. Xa é posíbel mercar partes de accións de calquera mercado a través de intermediarios.

O mercado está cada vez máis intermediado e xa non se falará de accións dunha ou outra compañía, senón de canto diñeiro se ten aquí ou alá, a través de contratos de dereito e propiedade, de ‘tokens’ virtuais con intermediarios de non se sabe onde.

O asunto medrará en nome da blockchain e do desexo de participar na festa das plusvalías de calquera cousa.

O futuro da ‘tokenización’ inmobiliaria

Os expertos xa auguran que o panorama inversor en vivenda cambiará a partir de 2030 de xeito drástico. A ‘tokenización’ inmobiliaria podería integrarse plenamente no sistema financeiro global con movementos de miles de millóns.

Consideran que a fronteira entre activos tradicionais e dixitais tenderá a desaparecer, dando paso a un modelo no que a propiedade, a financiación e a xestión dos inmobles se articularán de forma nativa sobre blockchain.

Iso permitirá que o mercado ‘tokenizado’ represente unha fracción estrutural do valor inmobiliario mundial, xerando un ecosistema máis líquido. A ‘tokenización’ será a forma estándar de representar o valor inmobiliario na economía dixital.

Será difícil controlar a evolución dos prezos. Nas técnicas de regateo de feira négociase primeiro por partes e despois en forma de paquetes.

Como nos bloques das subprime, nos que o que menos importaba era o activo ao que se referían. ¿Lembran?