A praza número tres da sección contencioso-administrativa do Xulgado de Instancia de Pontevedra deu un novo paso no longo pulso xudicial sobre o complexo turístico do litoral de Oia. Nunha diligencia fechada o pasado 12 de marzo, o órgano require ao Concello de Oia para que inste de forma inmediata á empresa titular, Balneario do Atlántico, «a proceder á demolición das instalacións», e fixa un prazo de dez días para que o Concello traslade ese requerimento e comunique ao xulgado as actuacións realizadas. Á propiedade concédese o mesmo prazo para constituír unha fianza destinada a cubrir posibles danos e prexuízos e os custos do derrubo.

A orde xudicial e o calendario de actuación

A resolución xudicial, que chega no medio dun expediente que se arrastra desde hai anos, non se limita á orde de derrubo: abre ademais un trámite para que a Xunta de Galicia e o propio Concello formulen alegacións sobre a posible imposición de multas pola dilación na execución. O tribunal advirte da necesidade de acelerar as actuacións para culminar unha execución que, en palabras da diligencia, debe axustarse «ao acordado en resolucións previas».

O xuíz dá prioridade a dúas cuestións prácticas: que o Concello inste formalmente ao propietario a executar os labores de derrubo e que a propiedade garanta economicamente os efectos da súa permanencia no paraxe, con especial referencia ao «valor paisaxístico do contorno». Xunto á fianza para posibles indemnizacións, a peza procesual establece un prazo de cinco días para que tanto o Concello como a empresa presenten recurso, se así o estiman os seus servizos xurídicos.

CONTENIDO PATROCINADO

Salado Golf & Beach Resort

Descubre la oportunidad de inversión más exclusiva del Caribe. Villas de lujo con retorno garantizado del 12% anual en Punta Cana.

Conoce más →

A alcaldesa, Cristina Correa, trasladou unha mestura de sorpresa e tristeza pola resolución. «Estabamos tramitando un plan especial para buscar o encaixe legal do complexo, pero as administracións van moi lentas. E agora, antes de que se complete, chega-nos esta resolución. Estamos a valorar cos nosos avogados o que podemos facer», declarou, recoñecendo non obstante que «as resolucións xudiciais están para cumprilas».

«O derrubo do Talaso suporía unha ‘ruína’ para o Concello de Oia», recoñeceu a rexedora, que citou a posibilidade dunha indemnización multimillonaria e o impacto social.

Un conflito que suma case dúas décadas

Este novo capítulo xudicial insírese nunha historia que arrinca moito antes dos prazos e dos proxectos municipais máis recentes. Dende que o Tribunal Superior de Xustiza de Galicia anulou as licenzas outorgadas para a construción do complexo, o expediente coñece sentenzas, recursos e sucesivos intentos de regularización. Non é a primeira vez que os tribunais ditan ordes de derrubo, e tampouco é nova a vía urbanística como instrumento para tratar de encaixar o equipamento na normativa vixente.

En 2019 o Concello encargou un plan especial ao despacho do avogado Calixto Escariz coa intención de atopar unha fórmula que permitise, polo menos parcialmente, a continuidade do Talaso baixo a nova Lei do Solo e atendendo ás previsións do Plan de Ordenación do Litoral, que contempla a talasoterapia como «uso autorizable en solo rústico» cando potencie o medio no que se ubica. Aquela vía administrativa segue en trámite e, ata agora, non evitou que a execución das sentenzas quede enriba da mesa.

A secuencia de recursos e as esperas administrativas tensaron as relacións entre veciños, empresa e administracións. Para moitos na comarca do Baixo Miño o Talaso é unha referencia: ofrece servizos de benestar, recibe diariamente hóspedes da provincia de Pontevedra e d