BNG de Vigo lanza 10 medidas para revolucionar a mobilidade

Atasco na Avenida de Madrid, en Vigo, debido ás obras de reforma. / Pablo Hernández Gamarra

Son 10 as alternativas que propón o BNG para revolucionar a mobilidade en Vigo. A formación nacionalista vén de iniciar unha nova rolda de encontros abertos nos barrios e parroquias da cidade coa súa campaña ‘Máis buses, menos multas’, na que chama a aproveitar a oportunidade que se abre este ano co remate da concesión do transporte urbano e coa implantación das zonas de baixas emisións (ZBE).

Críticas ao modelo actual de transporte

O portavoz municipal, Xabier P. Igrexas, defendeu que «hai alternativa ao modelo privatizado de bus e ás sancións de Abel Caballero», que, advertiu, vai hipotecar a cidade cun transporte urbano «deficiente e insuficiente» e impoñer un sistema «inxusto e restritivo» de ZBE.

Fíxoo durante a presentación da campaña en O Calvario, onde terá lugar o primeiro acto (luns, na AV do Calvario ás 20.00h).

Os concelleiros Xabier P. Igrexas (dta.) e Filipe Abalde (esq.) en O Calvario. / FdV

Igrexas fixo un chamamento a «non resignarse a seguir vivindo nunha cidade de tráfico insoportábel, ruidosa, insegura e contaminante».

Asegurou que se rexistran cada día 300.000 desprazamentos en vehículo privado en Vigo, a cidade da Península Ibérica «co maior parque móbil, por falta de alternativas reais para a mobilidade».

Propostas para mellorar o transporte público

Para o BNG, é fundamental un aumento substancial das frecuencias e unha mellora dos horarios de autobús.

«Non só recuperando as máis de 250 frecuencias recortadas dende a pandemia, tamén despregando medidas novidosas», avanzou o portavoz municipal. Entre elas, destacou a posta en marcha dunha gran liña CERO, que conecte dende Navia ata Teis, como eixo central do servizo de transporte.

Outro dos elementos clave da proposta do BNG pasa por deseñar un novo mapa de liñas que permita conectar «de verdade» o conxunto dos barrios e parroquias, acurtando os tempos de traxectos e garantindo que os autobuses circulen cada 20 minutos de media nos días laborables.

Ademais, demanda un reforzo das conexións cos hospitais, co Campus, cos centros de FP e co resto de terminais de transporte: aeroporto e estacións de tren, marítima e autobuses interurbanos.

Facilitar o uso do autobús e servizos nocturnos

As alternativas nacionalistas buscan tamén facilitar o uso do autobús coa redución do prezo do billete, o máis elevado en Galicia e un dos máis caros de todo o Estado, coa ampliación das tarifas bonificadas e permitindo dous transbordos gratuítos por hora.

E atendendo a unha das demandas da mocidade viguesa, propón aumentar os servizos nocturnos.

Remunicipalización e alternativas ás ZBE

Desde o BNG advertiron que estas melloras serán imposibles de levar adiante co novo modelo privatizado de autobús licitado polo Goberno de Caballero, tras o remate da concesión de Vitrasa.

«É claro que o alcalde non ten vontade de mellorar o servizo», denunciou. Por este motivo, desde o Bloque reclaman a suspensión do concurso aberto e defenden estudar a remunicipalización do transporte urbano.

Igrexas alertou de que os pregos da nova licitación van ser «máis do mesmo» pero incrementando nun 90% o co