A Policía Local do Concello de Ourense informou de que a Xunta de Galicia executará desde o luns 21 até o xoves 24 de setembro obras de reasfaltado nas rúas Río Arnoia, Eulogio Gómez Franqueira e no contorno da antiga estación de autobuses. Os traballos provocarán cortes de tráfico escalonados por tramos até o día 24, garantindo en todo momento a circulación do transporte público.
Para minimizar o impacto na mobilidade urbana, as actuacións desenvolveranse de maneira secuencial e por tramos, segundo o seguinte calendario operativo. O luns 21 de setembro, pola mañá, cortarase a circulación na rúa Río Arnoia, no tramo comprendido entre a avenida de Santiago e a rúa Alejandro Pedrosa. Pola tarde, os traballos continuarán na mesma rúa, desde a rúa Alejandro Pedrosa até a rúa Quintián. Unha vez finalizada esta fase, as actuacións estenderanse desde a rúa Quintián até Eulogio Gómez Franqueira.
Do martes 22 ao xoves 24 de setembro, a interrupción do tráfico afectará ao tramo da rúa Gómez Franqueira comprendido entre a intersección coa rúa Quintián e a rúa Santa Ana. A continuación, procederase ao peche á circulación do tramo restante até a rotonda da antiga estación de autobuses.
Transporte público garantizado
Durante a execución das obras, os tramos afectados permanecerán pechados ao tráfico xeral. Non obstante, manterase habilitado o paso exclusivo das liñas de autobuses urbanos, cuxo tránsito será xestionado e regulado en tempo real polo persoal de sinalización da empresa adxudicataria dos traballos.
O Concello rogalle aos condutores que extremen a precaución, presten atención á sinalización provisional de obra e utilicen vías de circulación alternativas durante o período fixado, do 21 ao 24 de setembro.
Fonte: Concello de Ourense
