O Cupón Fin de Semana da Once deixou en Ribadeo un premio de 20.000 euros no sorteo realizado este pasado sábado 28 de febreiro.
O vendedor que dispensou este boleto premiado foi Juan Antonio Cantero Pérez, o mesmo que en 2022 deu un premio de 11 millóns de euros e nove premios de 50.000 euros no sorteo extraordinario do 11/11.
Este vendedor realiza unha ruta desde o polígono de Barreiros ata o Eroski de Ribadeo, pasando por distintos puntos da costa como a praia das Catedrais.
Sobre o cupón máis recente, desde a Once lembran que o Sueldazo do Fin de Semana ofrece todos os sábados e domingos un premio principal de cinco cifras e serie de 300.000 euros, máis 5.000 euros ao mes durante 20 anos consecutivos a un só cupón. E premios de 2.000 euros ao mes durante 10 anos consecutivos a outros catro cupóns.
Engaden que «os cupóns da Once son parte dos produtos de lotería social, segura, responsable e solidaria da organización que, desde o seu deseño ata a súa comercialización, aplica controis para neutralizar consumos descontrolados, prohíbe expresamente a venda a menores de idade ou o consumo a crédito, entre outras medidas».
