Aceite galego para todos: os colegas apostan polo Km0 de Aceites Abril.

O proxecto “Comedores Responsables KM0”, impulsado por oito Grupos de Desenvolvemento Rural (GDR) de Galicia, incorporou un novo apoio: a empresa Aceites Abril sumouse á iniciativa para facilitar que os cerca de 60 centros vinculados ao proxecto teñan acceso a distintas referencias de aceite de oliva galego de alta calidade, segundo informou a organización nun comunicado fechado en Santiago de Compostela o 18 de setembro de 2026.

A colaboración conta ademais coa participación de Distribuciones Vintecatro S.L., encargada da loxística e distribución aos centros interesados, e ofrece condicións especiais aos máis de 60 centros vinculados á iniciativa.

“Como empresa familiar galega, para nós é un orgullo sumarnos a iniciativas como Comedores Responsables KM0. Sumar esforzos cos GDR permite achegar aos centros educativos e colectividades do noso entorno un produto fundamental na dieta atlántica, garantindo calidade, proximidade e un compromiso real co desenvolvemento do medio rural galego”, señalan desde Aceites Abril.

O acordo inclúe diferentes referencias: aceite de oliva virxe extra, oliva suave, oliva intenso, aceite de oliva virxe e aceite de oliva virxe extra ecolóxico.

Conectar as colectividades co tecido productivo

Un dos obxectivos de “Comedores Responsables KM0” é facilitar que os centros educativos, residencias, vivendas comunitarias e outras colectividades avancen cara a modelos de alimentación máis saudables, sostibles e vinculados ao territorio. Para iso, os oito GDR traballan na conexión entre as necesidades dos centros e as posibilidades que ofrece o tecido productivo e distribuidor.

“Para nós é moi satisfactorio poder colaborar con Comedores Responsables KM0 e facilitar que os centros participantes teñan acceso a produtos de calidade en condicións especiais. Consideramos especialmente interesante apostar por referencias que responden a criterios de calidade e, no caso do aceite ecolóxico, por unha produción máis respectuosa co medio”, indica Luís Tembra, responsable de Distribuciones Vintecatro S.L.

Un novo apoio ao proxecto

Aceites Abril é unha empresa galega con sede en San Cibrao das Viñas (Ourense), dentro do territorio do GDR 11 ADR Comarca de Ourense (Adercou), con traxectoria no sector do aceite dende 1962 e con diferentes referencias de aceite de oliva, incluído o virxe extra ecolóxico.

“É unha satisfacción poder avanzar neste tipo de colaboracións con empresas de referencia e ofrecer novas oportunidades aos centros que participan no proxecto. A conexión entre as colectividades e o tecido produtivo é fundamental para seguir construíndo un modelo alimentario máis responsable e vinculado ao territorio”, afirma Manuel Seoane Rodríguez, presidente do GDR 11 ADR Comarca de Ourense (Adercou).

Esta reciprocidade forma parte do traballo que realizan os oito GDR para establecer pontes entre centros, empresas, produtores e distribuidores, fomentando novas relacións que contribuíran á evolución do modelo de alimentación colectiva.