Rueda e Lores pactan liberar concesións nas Marismas de Alba

Foto de familia na escalinata da Casa Consistorial. / RAFA VÁZQUEZ

A firma do protocolo entre a Xunta e o Concello de Pontevedra escenificou onte venres unha nova fase de colaboración institucional entre ambas administracións. O convenio, que fixa un investimento autonómico de tres millóns de euros para dúas actuacións concretas na cidade, foi rubricado polo alcalde, Miguel Anxo Fernández Lores, e o presidente galego, Alfonso Rueda. Desa cantidade, dous millóns destinaranse á execución do novo pavillón de Monte Porreiro e o millón restante a melloras na rede de saneamento.

O compromiso dá continuidade ao anuncio realizado pola Xunta en maio de 2025, cando xa tiña adiantada esa mesma cantidade para proxectos deportivos e de saneamento na capital pontevedresa. A firma deste venres permitiu así formalizar aquela previsión económica.

No acto estiveron tamén a conselleira de Vivenda e Infraestruturas, María Martínez Allegue, e o delegado territorial da Xunta en Pontevedra, Agustín Reguera, ademais dunha ampla representación da corporación local. A imaxe política da firma reforzou a vontade de entendemento entre ambas institucións.

Tanto Lores como Rueda insistiron en presentar esta colaboración como unha vía útil para desbloquear asuntos pendentes e dar saída a proxectos importantes para a cidade. Máis alá do contido estrito do convenio, ambos quixeron subliñar o valor político do acordo.

Aínda que a firma se centraba en Monte Porreiro e no saneamento, boa parte da comparecencia estivo marcada por A Xunqueira da Gándara. O goberno local considera prioritario ese ámbito dentro da súa estratexia de recuperación ambiental.

O Concello leva anos reclamando o desmantelamento progresivo das instalacións administrativas e de servizos que aínda ocupan ese espazo por concesión de Costas. O seu obxectivo é culminar a renaturalización dunha área de 67 hectáreas incluída no Enil e devolvela plenamente ao uso cidadán.

Aquela posición municipal xa quedara fixada formalmente en 2023, cando o Concello pediu ás distintas administracións que cesasen a súa actividade na zona. Lores volveu defender onte a necesidade de liberar ese bordo de marisma e continuar unha transformación xa iniciada no contorno.

Nesa liña, o traslado do parque de maquinaria da Deputación ao polígono de Barro foi presentado polo Concello como o primeiro paso visible desa renaturalización. O seguinte obxectivo pasa agora por reubicar tamén as dependencias de titularidade autonómica e estatal que aínda permanecen alí.

Rueda asegurou que comparte ese plantexamento e admitiu que, como pontevedrés, ve «absolutamente lóxico» recuperar unha zona que hoxe continúa parcialmente ocupada. Segundo explicou, a Xunta mantén alí dous equipamentos e xa traballa no traslado de un deles, o parque de maquinaria da Axencia Galega de Infraestruturas.

Aquel movemento xa fora abordado meses atrás entre ambas administracións, cando a Consellería de Infraestruturas quedou en estudar o custo da operación e buscar alternativas con colaboración municipal. A reubicación aparece, por tanto, como o fronte máis encarrilado dentro desa negociación.

Máis complexa resulta a segunda operación, a do taller vinculado ao servizo de bombeiros forestais. Trátase dunha nave con apoio loxístico e operativo, especialmente relevante durante a campaña de incendios, o que complica o seu traslado.

O presidente galego explicou que as parcelas ofrecidas inicialmente no polígono de O Vao non se axustaban do todo ás necesidades técnicas plantexadas pola Consellería. Por iso, agora analízanse outros terreos, entre eles a opción de O Campiño.

A Xunta asumirá o custo total do traslado dunha das instalacións, mentres que no caso da segunda nave aínda están por concretar tanto a par