Jorge Prado, o lucense, non participará este sábado na proba de Daytona, oitava rolda do AMA Supercross, segundo confirmou o seu equipo, Red Bull KTM. O piloto galego continúa recuperándose da caída sufrida hai dúas carreiras en Lumen Field (Seattle) e xa se perdeu a cita da pasada fin de semana en Arlington.
Parte médico e recuperación
Os primeiros informes médicos descartaron lesións de gravidade e atribuíron o problema a unha «inflamación excesiva e irritación na articulación do ombreiro dereito».
Porén, o equipo sinalou que o vixente campión do mundo de MXGP precisará polo menos unha semana máis de recuperación.
Comunicado oficial do equipo
O comunicado difundido pola estrutura estadounidense foi breve e non achegou detalles adicionais sobre a evolución clínica nin sobre prazos concretos.
Na mensaxe publicada nas redes sociais, o equipo informou que o piloto «foi desafortunadamente descartado para a proba de Daytona» e avanzou que tomará outra rolda de descanso tras o seu accidente en Seattle.
Unha publicación compartida de KTM North America (@ktmusa)
Calendario e posible regreso
Tras Daytona, o campionato trasladarase a Indianápolis para disputar a segunda proba co formato Triple Corona, antes dunha semana de descanso no calendario.
O posible regreso de Prado podería producirse entón en Birmingham, prevista para o 21 de marzo, aínda que a súa participación dependerá da evolución do seu ombreiro.
