O Centro Integrado de Atención ás Emerxencias (CIAE) 112 Galicia contabilizou un total de 247 incidencias relacionadas coa meteoroloxía adversa entre as 11:00 e as 20:00 horas. A primeira das alertas laranxas activas no día de hoxe iniciouse ás 11:00 desta mañá, segundo o dato publicado o mar, 29/09/2026.
Por provincias, A Coruña foi a máis afectada, con 128 incidentes, seguida de Pontevedra, con 78. Lugo rexistrou 34 incidencias e Ourense, 7.
En canto aos concellos máis afectados, destacan Vigo, con 13 incidencias, e A Coruña, con 10, así como Bergondo, con 8. Boiro, A Estrada, Ferrol, Lalín, Narón e Pontevedra rexistraron 5 incidencias cada un.
Tipoloxía dos avisos
As incidencias máis repetidas foron as dificultades nas estradas ocasionadas por árbores ou pólas, con 121 casos. Tamén destacan os avisos pola caída de carteis, sinais ou pancartas (24) e por derrubamentos (7). Ademais, os servizos de emerxencia actuaron ata en 34 ocasións en situacións de prevención de risco.
No se rexistrou ningunha incidencia con danos persoais.
Incidencias destacadas
Un particular contactou co 112 Galicia despois das 16:00 horas pola caída dunhas chapas do tellado do Polideportivo Municipal de Melide. Pouco despois das 19:00 horas, a Policía Local de Porto do Son informou de que a un particular voáralle parte da infraestrutura dunha caseta. En Ribeira, un particular comunicou que lle estaba entrando auga na vivenda, chegando ata os 30 cm de altura, de novo sen danos persoais.
Fonte: Axega — 112 Galicia
