Os equipos da Terceira Futgal aproveitaron este fin de semana de parón para disputar os encontros aprazados da xornada 12 debido ao temporal. No Grupo 1 só se disputou o Pol B-Roupar, mentres que no Grupo 2 xogáronse ata catro partidos.
O Pol B achégase aos postos de promoción tras vencer por 2-0 ao Roupar. O filial polense saíu ao encontro disposto a dominar de principio a fin, e así foi. Antón adiantou aos seus ao cuarto de hora cunha falta directa que se coou entre a barrera. Na segunda parte o guión foi similar, cun Roupar replegado que buscaba sorprender á contra, pero a 10 minutos do final Rui anotou a sentencia nun córner.
No Grupo 2, o Taboada B e o Rubián pospoñeron o ascenso do Corgo. O filial taboadés goleou 4-0 ao O Incio no anexo de A Medela. O dominio dos locais foi total durante os 90 minutos e así se reflectiu no marcador.
O Rubián tampouco quere despegárse da loita polo ascenso directo. A escadra de Senén López venceu ao Carballedo a domicilio nun enfrontamento cunha sinopse moi similar á do Taboada B-O Incio. O Rubián fíxose co control do partido, mentres que o Carballedo, pechado atrás, buscaba sorprender en algún contraataque. Gandoy foi o home do partido cun hat-trick que lle permite aos seus seguir soñando co ascenso de categoría.
O duelo da xornada protagonizárono a Piringalla e o Río Sil, sexto contra sétimo e con un posto de promoción en xogo. Antes de comezar a xornada era o Río Sil quen ocupaba esa zona de privilexio e a Piringalla quen andaba acechando. O conxunto capitalino contaba neste enfrontamento coa vantaxe de xogar en casa. Soubo sacar proveito diso na primeira parte para irse ao descanso dominando por 2-0 grazas aos tantos de Samuel e Cristóbal.
O adestrador visitante, Cristóbal Pérez, axustou o equipo no descanso e isto tivo o seu premio, xa que aos seis minutos de reanudarse o encontro o Rubián xa devolvera as táboas ao marcador. Pero, pensando que xa tiñan todo o traballo feito, relaxáronse e a Piringalla aproveitouno para poñerse de novo por diante no minuto 71 grazas a un golazo de falta directa de Vidal. O marcador non se moveu e a Piringalla logrou arrebatarlle o posto de play-off de ascenso ao Río Sil.
O Quiroga–Relámpago Taboada deixou un festival de goles e un punto para cada equipo (3-3). O conxunto taboadés xa celebraba os tres puntos, pois vencía 1-3 e o tempo regulamentario estaba cumprido. O Quiroga non se rindiu e tirou de épica, anotando dous tantos no engadido e rescatando un empate que pode ser clave na loita polo ascenso.
Únete a la conversación
Regístrate gratis con tu email para comentar en las noticias. Tu opinión importa.