Dous días de competición contrarreloxo nos que a creatividade, a habilidade e a rapidez serán elementos clave para facerse con un dobre premio, a satisfacción de gañar a Copa de España de Arte Floral que organiza a Asociación Española de Floristas este fin de semana en Valencia e lograr o billete directo para o Europeo.
É un reto difícil, pero de ilusión e gañas van sobradas Paqui Espiñeira, de Guitiriz, e Ana María Filer Petrea, de Soto del Real (Madrid), que fronte terán outros oito equipos chegados desde distintos puntos de España co mesmo obxectivo.
Traxectoria das floristas
Paqui, da tenda AgroAbelleira, iniciouse en 2018 no mundo da flor por casualidade, xa que unha traballadora do seu negocio tiña coñecementos. A partir de aí foi encadeando cursos e experiencias (traballa para particulares, pero tamén para o Iberik Gran Balneario de Guitiriz ou o restaurante La Casilla) e en 2023, en Cantabria, coñeceu a Ana, quen chegou a España hai 20 anos desde Romanía e hai dez abriu a súa propia floristería, Ana Madrid Flowers.
Desde entón coincidiron en máis formacións, fíxéronse amigas e o seu bo entendemento á hora de traballar xuntas levounas a colaborar noutras ocasións (como unha sesión fotográfica dunha organizadora de vodas no Castillo de Pedraza). Así que de cara a esta competición, Ana viu en Paqui a súa axudante ideal.
O desafío da Copa
«Hai que botarlle moito valor, é unha responsabilidade moi grande», di a guitiricense, a única galega na cita, sobre o desafío que supón superar os próximos días, nos que terán que facer fronte a cinco probas conxuntas.
Paqui axudará na primeira parte de cada unha delas, mentres a parte final a asume Ana en solitario, do mesmo xeito que a sexta e última.
«Podes levar algunhas estruturas preparadas e ideas segundo a temática, pero o traballo faise todo alí», avanza Paqui. Neste venres disporán de oito horas para prepararse e o sábado a competición arrinca ás 11.00 horas.
As probas da competición
Cañas y barro é a primeira proba e a única que se fai no exterior e con plantas, patrocinada pola firma galega Veraleza. Nela terán que realizar un traballo alegórico fusionando a obra de Blasco Ibáñez cunha homenaxe ás vítimas da Dana.
Xa no recinto deportivo La Pechina, deberán materializar unha composición de mesa para tres comensais na segunda proba, L’esmorsaret entre pa i borreguet, facendo unha metáfora dun xantar típico valenciano.
A Ciudad de las Artes y la Ciencias centra o terceiro e último reto do primeiro día, creando unha obra de grandes dimensións que recree algunha das edificacións do complexo valenciano.
A reliquia do Santo Cáliz inspira a primeira proba do domingo, a creación dun ramo de noiva, mentres que o tradicional pano de seda das falleras valencianas é o punto de partida para a segunda e última en equipo, La ruta de la seda, na que deseñarán un ramo de man con flor preservada (en todas as demais úsase fresca).
Por último, Ana enfrontarase soa á proba sorpresa Pamell d’imaginació.
Ilusión, nervios e aprendizaxe
«Hai moitos nervios, pero imos con toda a ilusión e as expectativas sempre son as mellores, aínda que hai xente cunha bagaxe importante e nivel internacional», valora Paqui, que destaca o bo ollo para a cor e a «paleta moi persoal» de Ana.
«Ten composicións vaporosas, con transpareci
Únete a la conversación
Regístrate gratis con tu email para comentar en las noticias. Tu opinión importa.